لأن " الحزن شاطر"
و " الفرح شاطر"
فلابد أن أكون " قادر فى الحزن أفرح "
ولابد أن " أرقص .. غصب عنى أرقص " لأذكر نفسى بأن" لسه الأغانى ممكنه "
فى بالونه صغيرة اشتريتها - ضمن بلالين كثيرة - لهذا الغرض تحديدا أضع الورقه الصغيرة المطوية بعنايه كرسائل الحمام الزاجل .. و فيها – الورقه - ما يضايقنى .. و أنفخ البالونه .. مع كل نفس أزفر غضبا و حزنا و مشاعر كريهة كثيرة لا أريد حتى أن أكتب عنها .. أعقد البالونه فى النهايه و أفتح نافذة الغرفه .. لا أنسى أيا من طقوس فتح النافذه مثل الابتسام و النفس العميق و فتح الذراعين الى آخر مدى كى أحتضن السماء .. أطلق البالونه الملونه و أتمتم " غورى ف داهيه " .. أغلق النافذة ومازالت الابتسامه على وجهى .
أقرر تأجيل بالونات الحلم البنفسجيه الى المساء .. فوحدها بالونات الأحلام ستعلو فوق كل هذا ..
أضع رأسى على الوسادة وقبل أن أنام أتساءل : " هو أنا اتجننت؟ "
العنوان : بره الشبابيك - محمد منير
هيه - محمد منير
على صوتك بالغنا - محمد منير
هناك 8 تعليقات:
أنا عجبتنى الفكره
تكتب اللى مضايقك فى ورقه وتحطها جوه البلونه وكمان تنفخ وتفتح الشباك و تطيرها (بس مش حلوه ال غورى فى داهيه)
حلو البوست على بعضه
وجناني دة عين العقل
تقدر تتجنن زيي
عشان خاطري تبطلي اللون الغامق قوي دة عشان بيوجع العينين
بالمناسبة عجبتني قوي حكاية طقوس فتح الشباك
تخيلي انا كمان اخر بوست ليا عن النوافذ
ابقي عدي عليه
ايهاب باشا :
الفكرة قابله للنشر و التنفيذ و كل اللى هتغرمه كيس بلالين ب 3 جنيه و الكثير من الريبة فى نظرات الجيران .. بالنسبه ل "غورى ف داهية " اعتبرها متنفس عن الكثير من الغضب اللى لازم يطلع بشكل أو بآخر
مصطفى :
أنا أحب أسهر للصبح و عمرى عمرى ما أروح بدرى :)
لا مؤاخذة عشان اللون الغامق بس أفتكر عشان يتماشى مع الجو العام للمدونه و صاحبتها .. و هطب عليك فى المدونة فى أى وقت عشان أفتح الشباك عندكو :)
:)
بالونة فى الهوا
ورقة فى مجرى مية
او فى زقت ريح
مش مهم
المهم نزحلق الهموم
تغوووور فى 60 داهية كمان
وأسكن بيوت الفرح ااااااااه
ممكن
تدوينه رائعه وخواطر جميله
يكفى ان فيها عبق منير
دام قلمك
جنة
أظهرى بقى
انا كنت بقلب فى المدونة عندى وشوفت تعليقات انتى كتبتيها على بوستات قديمة
مش عارفة اقولك ايه
بس انا كنت ممتنة أوى وانا بلاقى تعليق ورا التانى
ونس ياجنة
يارب تكونى بخير
ودي كمان حلوة
الطقس ده رومانسي قوي، وبدأت
أصدقه :)
dandana
آآآآآآآه ممكن :)
وائل :
منير دا هوس دائم مالوش دوا :) سعيدة لمرورك
ابراهيم :
صدقنى - عن تجربة لأن الكلام مافيهوش ريحة المجاز - بينفع ..
إرسال تعليق